Ўзбекистон делегациясининг иккинчи таркиби Қозонга етиб келди. Бу ҳақда Туризм ва спорт вазирлиги хабар бермоқда.
Делегация таркибида ташриф буюрган спортчилар “Қозон 2021” Биринчи МДҲ ўйинларида иштирок этади.
Таъкидланишича, биринчи делегация 31-август куни Татаристонга етиб борган бўлиб, айни дамда дастлабки беллашувларда иштирок этмоқда.
4 сентабр ҳолатига кўра, Биринчи МДҲ ўйинларида Ўзбекистон юнон-рум кураши бўйича 2 та кумуш ва 2 та бронза медалини қўлга киритиб, умумжамоа ҳисобида 5-ўринни эгаллаб турибди.
Aйни дамда МДҲ давлатлари ўйинларида эркин кураш баҳслари бўлиб ўтмоқда.
Шунингдек бугун кечқурун “Қозон 2021” мусобақаларининг расмий очилиш маросими ўтказилиши кутилаётгани айтилмоқда.
