Ўзбекистон Республикаси туризм ва спорт вазирлиги ҳамда Халқаро автомобил федерацияси (ФИA)нинг расмий аъзоси бўлган Ўзбекистон Миллий автомобил клуби жамоатчилик бирлашмаси томонидан мамлакатимизда автомобил спорти қоидалари тасдиқланди.
Жорий йил 9 центябрда бўлиб ўтган учрашувда Туризм ва спорт вазири ўринбосари Aвазжон Каримов ҳамда Ўзбекистон Миллий автомобил клуби жамоатчилик бирлашмаси вице-президенти Aлекс Сой Ўзбекистон Республикасида автомобил спорти Қоидалари ҳамда автомобил спорти бўйича 2021 йилги республика ва минтақалараро мусобақалар тўғрисидаги Низомни тасдиқлаб, имзолашди.
Ўзбекистон Республикасида автомобил спорти Низоми ва Қоидалари Ўзбекистон Миллий автомобил клуби жамоатчилик бирлашмаси томонидан Халқаро спорт кодекси(ИСC)га мувофиқ ҳамда спорт ваколатлари асосида ишлаб чиқилган ва мувофиқлаштирилган.
Халқаро автомобил федерацияси (ФИA)га – 1904-йилда асос солинган бўлиб, у бутун дунёда халқаро автомобил спортини (картингдан бошлаб Формула-1га қадар) бошқарувчи нуфузли орган ҳисобланади. ФИA, шу билан бирга жаҳондаги етакчи автомобил ташкилотларини ўз атрофига бирлаштириб, нафақат автомобил спортини ривожлантиришга, балки сайёрамиздаги йўл ҳаракати иштирокчиларини хавфсиз, барқарор ва қулайлик билан таъминлашга хизмат қилади.
ФИAга жаҳондаги 143 мамлакатнинг 245 дан ортиқ автомобил спорти клублари, хусусан “Ўзбекистон миллий автомобил клуби” жамоатчилик бирлашмаси ҳам аъзо бўлган. Ташкилотнинг бутун дунё бўйича 80 миллиондан ортиқ аъзолари мавжуд.
Халқаро спорт кодексига (ИСC) мувофиқ ишлаб чиқилган Ўзбекистон Республикасида автомобил спорти Низоми ва Қоидалари миллий автоспортнинг ривожланиши, шунингдек, мамлакатнинг халқаро автоспортга уйғунлашувига сезиларли таъсир кўрсатади. Бу эса, ўз навбатида юртимизда автоспорт бўйича халқаро мусобақаларни ўтказиш имконини беради. Шунингдек, сезиларли даражада спортчиларимиз учун картингдан бошлаб Формула-1гача бўлган мусобақаларда қатнашиш имкониятини очиб беради.
