Россия Федерацияси ҳудудида қурилиш, уй-жой коммунал хўжалиги ва савдо соҳаларида меҳнат фаолиятини амалга ошириш истагида бўлган Ўзбекистон Республикаси фуқаролари учун чартер поездларни ташкил этиш режалаштирилмоқда. Бу ҳақда Ташқи меҳнат миграцияси агентлиги хабар берди.
Россия бош вазири ўринбосари М.Хуснуллиннинг маълум қилинишича, бу масала Россия ҳукумати раиси ўринбосари Т.Голикова билан келишилган ва меҳнат мигрантларини чартер поездларда олиб келишнинг аниқ тартиби яқин кунларда тасдиқланади.
