2021 йилнинг 15 сентябр куни соат 15:30ларда Поп тумани Уйғур маҳалла фуқаролар йиғинида яшаган, 1995 йилда туғилган A.Д исмли фуқаро Поп тумани Мирзаорол маҳалла фуқаролар йиғини ҳудудидан оқиб ўтувчи “Сирдарё” дарёсига ўзини эҳтиёцизлиги оқибатида тушиб дарёда чўкиб кетганлиги тўғрисидаги маълумот вилоят Фавқулодда вазиятлар бошқармасига 16:00ларда хабар келиб тушган. Бу ҳақда Наманган ФВБ Матбуот хизмати хабар бермоқда.
Хабарда айтилишича, зудлик билан воқеа жойига вилоят Фавқулодда вазиятлар бошқармаси Қутқарув отрядининг сувда қидирув-қутқарув гурухи ҳамда Поп туман Фавқулодда вазиятлар бўлими ёнғин-қутқарув гурухи этиб бориб дастлабки сув ости ва сув усти қидирув-қутқарув ишлари олиб борилди.
Ҳозирда ҳам Қутқарув отрядининг сувда қидирув-қутқарув гурухи ва Поп туман Фавқулодда вазиятлар бўлими ёнғин-қутқарув гурухидан 20 нафар ҳамда кўнгиллилар томонидан жойига чиққан холда сув ости ва сув устида қидирув-қутқарув ишлари давом эттирилмоқда.
