Бугун, 18 сентябр куни соат 16:08да Сирдарё вилояти Оқолтин тумани “Aҳиллик” МФЙ Бунёдкор кўчасида жойлашган хонадонларда ёнғин содир бўлаётганлиги тўғрисида туман ФВ бўлимига хабар келиб тушган. Бу ҳақда ФВВ хабар бермоқда.
Зудлик билан 3 та ёнғин-қутқарув экипажи воқеа жойига соат 16:25да етиб бориб, ёнғин соат 16:28да ўраб олинган ва соат 17:15 да ўчирилган.
Ёнғин оқибатида бир бирига туташ қурилган уйларнинг таҳминан 190 кв.м. майдонда томи, шифти ва ички қисми ёниб зарарланган.
Ҳодиса оқибатида ҳалок бўлган ва жабрланганлар йўқ.
Ҳозирда ёнғин сабаби ва моддий зарар миқдори аниқланмоқда.
Юқоридаги каби кўнгилсиз вазиятларнинг олдини олиш мақсадида, Фавқулодда вазиятлар вазирлиги фуқаролардан ёнғин хавфсизлиги қоидаларига риоя этишни сўраб қолади.
