Маълум қилинишича, видеороликлар танлови ўтказишдан мақсад аҳолининг электорал маданиятини оширишдан иборат.
Танлов қуйидаги номинациялар бўйича ўтказилади:
- Энг яхши информацион ролик;
- Энг яхши саҳналаштирилган ролик;
- Энг яхши анимацион ролик;
- Мухлислар эътирофи (ижтимоий тармоқлар – Facebook ва Instagram орқали энг кўп лайк тўплаган медиа маҳсулотлар).
Танлов шарти:
1. Видеороликларни Facebook, Instagram ижтимоий тармоқларидаги ўз саҳифангиз орқали #Saylov2021_tanlov #Elections2021_tanlov хештеглар остида эълон қилиш;
2. Видеороликларни Марказий сайлов комиссияси Матбуот марказининг http://t.me/MSKtanlovbot Telegram-ботига юборишингиз зарур.
Юқорида кўрсатиб ўтилган шартларни бажармаган видеороликлар танловда иштирок этмайди!
Шунингдек, диск ва бошқа ахборот ташувчи мосламаларга ёзилган видеороликлар – Марказий сайлов комиссиясининг Матбуот маркази (Тошкент шаҳри, Шароф Рашидов кўчаси, 16-уй, “Маърифат маркази” (Симпозиумлар саройи биноси) манзилида қабул қилиб олинади.
“Сайлов – 2021” видеороликлар танлови ғолиблари пул мукофотлари билан тақдирланади.
Демак, ҳар бир номинация бўйича ғолиб ва совриндорларга қуйидаги миқдорда пул мукофотлари топширилади:
1-ўрин учун – 20 млн сўм;
2-ўрин учун – 15 млн сўм;
3-ўрин учун – 10 млн сўм
