Тошкентда 2,5 млрд сўмлик иш ҳажми олиб бериш учун тадбиркордан қарийб 12 000 доллар талаб қилган МЧЖ раҳбари ушланди.
Бош прокуратура ҳузуридаги Департамент бу ҳақда маълумот берди.
Қайд этилишича, фуқаро У.Х. “A.” МЧЖ раҳбари У.нинг ишончига кириб, унга 12 500 АҚШ доллари эвазига Қуйичирчиқ ва Юқоричирчиқ туманларидаги кўчаларини жорий таъмирлаш учун ўтказиладиган электрон савдоларида қатнашиб, қиймати 2,3 млрд сўмлик иш ҳажмини танишлари орқали олиб беришни ваъда қилади.
У олдиндан 1 500 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилаётгани айтилмоқда.
