Афсонавий Оксана Чусовитина яна спортга қайтишини маълум қилди.
"Zamon.uz" хабарига кўра, у 30 сентябрь куни ўзининг “Instagram” саҳифасида спортга қайтишини ва 2022 йил Хитой давлатида бўлиб ўтадиган Осиё ўйинларида иштирок этишини айтган:
«Мен барчага шуни маълум қиламанки, 2022 йилги Осиё ўйинларига тайёргарлик кўришга қарор қилдим. Мен ўз фаолиятимни Ўзбекистон учун медалсиз якунлай олмайман» — дейди Оксана Чусовитина.
Эслатиб ўтамиз, Чусовитина “Токио-2020” Олимпиадасида спортдаги фаолиятига якун ясаган эди. У саккиз бор Олимпия ўйинларида иштирок этиб, Гиннеснинг рекордлар китобидан жой олган.
