Бугун "Ўзбекфильм" киноконцернида россиялик машҳур актёр, режиссёр, сценарист, вайнер ва шоумен Евгений Кулик иштирокида ижодий учрашув бўлиб ўтди.
Учрашувда ёшлар учун унинг нуфузли халқаро мукофотларга сазовор бўлган "2050" қисқа метражли фильми намойиш қилинди. Шунингдек, кинофестиваль меҳмони ташриф давомида ўз тажрибаларини йиғилганлар билан ўртоқлашди.
Бу хақда Киномотография агентлиги маълум қилди.
"Ўзбекистон Президенти ташаббуси билан қайта тикланган Тошкент халқаро кинофестивалининг тўртинчи куни ҳам Жерар Депардье, Павел Прилучный, Тимур Бекмамбетов каби дунёга машҳур кўплаб ижодкорлар билан учрашувларга бой ўтмоқда", - дейилади агентлик хабарида.
