Ижтимоий тармоқларда спорт гимнастикаси бўйича жаҳон рекордчиси, афсонавий спортчи Оксана Чусовитинани яна катта спортга қайтаётгани ҳақидаги хабарлар тарқалди.
-Мен катта спортдаги фаолиятимни медалсиз якунламасликка қарор қилдим. Шу боис, 2022 йили Хитойнинг Ханчжоу шаҳрида ўтказиладиган ёзги Осиё ўйинларига тайёргарлик машғулотларимни бошладим. Ўйлайманки, мухлисларим мени қўллаб-қувватлайди. Бу билан ёшларнинг йўлига тўғаноқ бўлмоқчимасман. Аксинча, уларга шижоат бағишламоқчиман, - дея таъкидлаган Olympic.uz сайтига берган интервьюсида Чусовитина.
Эслатиб ўтамиз, XIX ёзги Осиё ўйинлари 2022 йилнинг 10-25 сентябрь кунлари Хитойнинг Ханчжоу шаҳрида бўлиб ўтади.
