Наманганда юк машинаси 6 яшар болани уриб кетди.
Бу ҳақда вилоят ИИБ хабар берди
Унга асосан, 2021 йил 29 сентябрь куни соат 17:00 ларда, Наманган шаҳар Яккасада МФЙ ҳудудида, Янгиқўрғон туманида яшовчи, 1987 йилда туғилган фуқаро ўзи ишловчи МЧЖга тегишли ИСУЗУ русумли юк автомашинасини бошқариб бораётиб, ҳаракат хавфсизлигини таъминлай олмай, йўл четида турган пиёда, Чортоқ туманида ота-онаси қарамоғида яшаган, 2015 йилда туғилган болани уриб юборган.
Натижада, пиёда олган тан жароҳати оқибатида воқеа жойида вафот этади.
Қайд этилишича, ушбу ҳолат бўйича Наманган шаҳар ИИО ФМБ ҳузуридаги ТБ томонидан жиноят иши қўзғатилган.
