"Халқчил ёндашув” кўрсатувида қурувчи Қаҳрамон Сулаймонов ҳаётидаги оғир кунлар, бошидан кечирган синовлар ҳақида сўзлаб берди.
«2010 йилларда бошимизга кўп мусибатлар тушди. Ноҳақ айблар қўйилди. Бунинг оқибатида кўп жабр кўрдик, яқинлардан узоқда бўлдик. Оиламиз пароканда бўлиб кетишига сал қолган эди. Яна оиламга қайтармиканман, яна халқимга қўшилармиканман деган хаёл қийнарди мени. Қадр сўзини эшитсам, кўнглим тўлиб кетади...
Мендан нега қамалгансиз, деб сўрашади? У кунларни, ичимдан ўтаётган оғриқларни ўзим ва фақат Худо билади", - дейди ўтган кунларни хотирлар экан қурувчи.
Маълум қилишича, Қаҳрамон Сулаймонов 2016 йил ноҳақ абловлардан оқланиб, яна тадбиркорлигини йўлга қўйган. Ҳозирда ёш оилалар учун арзон уй-жойлар қуриш билан шуғулланади. Қўл остида 400 нафардан ортиқ ишчи ишлайди.
"Халқимизга нисбатан, умуман инсонга нисбатан сиёсатнинг ўзгаргани, яъни адолат устуворлиги қарор топа бошлагани туфайли оиламиз бағрига қайтиб келдик... 2021 йилгача 30дан ортиқ уй қурдик. Барча ишчи-қурувчилар устоз дейди. Шудай пайтларда жуда хурсанд бўлиб кетаман. Бугун жуда бахтлиман",- дея шукорона билдиради қурувчи Қаҳрамон Сулаймонов
