Криштиану Роналдунинг «Манчестер Юнайтед»га қайтиши клубнинг молиявий ҳолатига ижобий таъсир қилишда давом этмоқда.
The Sun нашри хабарига кўра, Криштиану Роналду «Ювентус»дан «Манчестер Юнайтед» сафига ўтгач, клуб акцияларининг нархи ҳозиргача жами 650 миллион еврога қимматлашган.
Аввалроқ, «МЮ» Роналду трансфери амалга ошгач, дастлабки икки ҳафта давомида Криштианунинг шарифи ёзилган 7-рақамли футболкалардан 200 миллион евро савдо қилгани ҳақида хабар берилганди.
Эслатиб ўтамиз, «МЮ» Роналду трансфери учун «Юве»га 15 миллион евро трансфер пулини 5 йилга – йиллик 3 миллион евродан бўлиб бериш шарти билан келишган.
Маълумот учун, 36 ёшли португалиялик форвард «МЮ»даги дастлабки 6 ўйинида 5та голга муаллифлик қилди.
