Ижтимоий тармоқда тарқалган, Мирзо Улуғбек туманида олдинма-кетин тўқнашган 5 та автомобиль юзасидан ЙҲХББ қуйидаги маълумотларни тақдим этди.
Дастлабки маълумотларга кўра, жорий йилнинг 11 октябрь куни соат 07:45 ларда, Тошкент шаҳар, Мирзо Улуғбек тумани, Мустақиллик шоҳ кўчасида, "Пушкин" метро бекати яқинида оралиқ масофани сақламаслик оқибатида:
1) "Captiva";
2) "Vaz-2106";
3) "Lacetti";
4) "Cobalt";
5) "Spark" русумли автомобиллар олдинма-кетин тўқнашган.
Тўқнашув натижасида тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
