ЖССТ миллий консультанти Ренат Латипов Инновацион ривожланиш вазирлигида ўтказилган «COVID-19. Вакцинация - эришилган ютуқлар, истиқболдаги режа ва мақсадлар» мавзусидаги конференцияда маъруза қилган.
Унинг таъкидлашича, эпидемиологик тадқиқотлар кўрсатганидек, ҳомиладор аёлларда ўта оғир касалликка чалиниш хавфи жуда юқори. Шунинг учун ҳомиладор аёлларни эмлаш жоиз. Эмлашдан олдин ҳомиладорликни аниқлаш учун таҳлил қилиш ҳам тавсия этилмайди ва эмланиб бўлгач, ҳомиладорлик ҳақида билгач, уни тўхтатиш (тушириш) ҳам тавсия этилмайди. Эмизикли аёллар ҳам эмланиши мумкин. Бу сут таркиби ва бола саломатлигига таъсир қилмайди.
