Айни пайтда ЎзЛиДеПдан президентликка номзод, амалдаги президент Шавкат Мирзиёев тошкентлик сайловчилар билан учрашув ўтказмоқда, дея хабар бермоқда “Даракчи” мухбири Сардорбек Раҳмонқулов.
Ўз маърузаси аввалида президентликка номзод узоқ йиллар ечимини кутган уй-жой ва “прописка” муаммоларининг ўз ҳаётига боғлиқ томонларини эслади.
“Мен Жиззахда туғилганман. Лекин 18 ёшимдан бошлаб, менинг бутун ҳаётим Тошкент билан боғлиқ бўлди. У пайтлар ёшлик, таълим, билим олиш оғир бўлган. Тошкентга келиб, 18 йилдан кейин прописка олганим учун мен бунинг машаққатини яхши биламан. Шунинг учун президентликка келиб, биринчи навбатда уй масаласига эътибор қаратдик. Кўплаб уй-жойлар қурилди. Прописка муаммоси бекор қилинди”, деди Шавкат Мирзиёев.
Учрашув давом этмоқда.
