Бугун, Истанбул (Туркия) шаҳрида Туркий тилли давлатлар ҳамкорлик кенгаши (ТТДҲК, Туркий кенгаш)нинг Юқори лавозимли мутасадди ходимлар комиссиясининг 29-йиғилиши ўз ишини якунлади, деб хабар бермоқда "Дунё" АА.
8-19 октябрь кунлари ташкилотга аъзо давлатлар - Озарбайжон, Қозоғистон, Қирғизистон, Туркия ва Ўзбекистон, шунингдек, Туркий кенгаш котибияти делегациялари ТТДҲКнинг жорий йил ноябрь ойида Истанбулда бўлиб ўтадиган навбатдаги саммитига тайёргарликнинг ташкилий жиҳатларини кўриб чиқди. Шунингдек, саммитга тақдим этиши режалаштирилаётган ҳужжатлар лойиҳаларини муҳокама қилди.
Эслатиб ўтамиз, Ўзбекистон 2019 йил октябрь ойида Туркий кенгашнинг тўлақонли аъзоси бўлди. Президент Шавкат Мирзиёев 2019 йил 15 октябрь куни ТТДҲКнинг Боку (Озарбайжон) шаҳрида бўлиб ўтган 7-саммитида иштирок этди.
