2021 йилда АҚШда ноқонуний муҳожирлар сони ортгани маълум қилинди. Бу ҳақда New York Post хабар бермоқда.
Қайд этилишича, жорий йилнинг ортда қолган вақти давомида мамлакат чегараларида 1,7 миллиондан ортиқ муҳожир қўлга олинган.
Жумладан, 1 октябрда якунланган ҳисобот даврига кўра, Мексикадан АҚШга кирмоқчи бўлган вақтда ҳибсга олинганлар сони 1 734 686 кишини ташкил этган.
Аввалроқ АҚШ собиқ президенти Дональд Трамп ноқонуний муҳожирларни кўпайганига Жо Байденни айбдор қилиб кўрсатганди.
