Криштиану Роналду Португалия терма жамоасида фаолиятини қачон якунланиши ҳақида берилган саволларга жавоб қайтарди.
"Менимча, терма жамоадаги фаолиятимни тугатиш вақти келмаган. Бу борада одамлар нимани хоҳлашлари муҳим эмас, муҳими мен нимани хоҳлаётганим. Қачонки югуришга кучим қолмаганини ҳис қилсам, дарвоза томон зарба беришга қийналсам ва терма жамоага фойда келтира олмаётганимни билсам якуний қарорга келаман.
Ҳозирда менда ҳаммаси мавжуд. Чунки менда ҳали ҳам мотивация бор. Мотивация энг муҳими ҳисобланади.
Сиз ҳозир Португалия терма жамоаси ҳақида гапиряпсиз. Лекин мен Чемпионлар лигасида энг кўп гол, энг кўп ғалаба, голли узатмага эгаман. Шунга қарамай мен давом этмоқчиман. Футбол ўйнашни яхши кўраман. Одамларни хурсанд қилиш эса энг ёқимли жиҳатдир", - дея Роналдунинг сўзларидан келтирмоқда Sky Sports.
