Касби тумани Талишбе МФЙ, Қодиробод қишлоғида истиқомат қилувчи Дилором Йўлдашева 454-сонли сайлов участкасига борди.
У 111 ёшида овоз беришда иштирок этди.
Маълумотга кўра, Дилором Йўлдашева 1910 йил 1 июлда Қодиробод қишлоғида туғилган. 2020 йилда Президентимиз томонидан “Шуҳрат” медали билан тақдирланган.
"Ёшим ўтиб, юришда қийналсам ҳам юртимиз ҳаётидаги муҳим сиёсий жараёнда иштирок этиш учун сайлов участкасига келдим", -дейди Дилором момо.
-Насиб этса, ҳали яна президентлик сайловларида қатнашиш ниятидаман.
