Кинематография агентлиги буюртмасига биноан “Ёшлик” киностудияси томонидан “Чўкаётган аёл” (“Drowning woman”) қисқа метражли фильми суратга олинди. Бу ҳақда Кинематография агентлиги Ахборот хизмати хабар қилмоқда. Сценарий муаллифи ва постановкачи режиссёр Надежда Тжуска, оператор Велле Тамме.
Мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида эстониялик ижодкорлар билан бирга яратилган.
“Чўкаётган аёл” фильмида бош қаҳрамон дуторчи қиз Сарвинознинг ҳаётидаги кечинмалари акс эттирилади.
Маълумот учун, “Кино 5 кунда” танловида Испания, Беларусь, Япония, Ҳиндистон, Россия, Арманистон, Қозоғистон ва бошқа мамлакатлардан ёш киноижодкорлар иштирок этишди.
