“Барселона” ҳужумчиси Серхио Агуэро Испания чемпионатининг 12-турида “Алавес”га қарши ўйинда ўзини ёмон ҳис қилди. Натижада, футболчи биринчи бўлим якуни арафасида захирага олинди.
Қайд этилишича, аргентиналик футболчи кўкрак қафасидаги оғриқдан шикоят қилган. Кейинчалик 33 ёшли Агуэро зудлик билан шифохонага юборилган.
Маълум бўлишича, Агуэрода тахикардия (юрак тез уриши) юзага келган. Ўйин вақтида нафас қисиши ҳолати кузатилган.
