Кинематография агентлиги буюртмасига биноан “Ёшлик” киностудияси томонидан “Онамнинг велосипеди” (“My mother’s bicycle”) қисқа метражли фильми суратга олинди. Бу ҳақда Кинематография агентлиги Ахборот хизмати хабар бермоқда.
Сценарий муаллифи ва постановкачи режиссёр Габриэль Кармело.
Мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида филиппинлик ижодкорлар билан бирга яратилган.
“Онамнинг велосипеди” фильмида бош қаҳрамон Даруна ўлим тўшагида ётган касал онасини сўнгги лаҳзаларида видолашиш учун келади. Йўл-йўлакай у онасининг велосипедида ўтган бахтли онларини эслайди.
Маълумот учун, “Кино 5 кунда” танловида Испания, Беларусь, Япония, Ҳиндистон, Россия, Арманистон, Қозоғистон ва бошқа мамлакатлардан ёш киноижодкорлар иштирок этишди.
