Кинематография агентлиги буюртмасига биноан “Ёшлик” киностудияси томонидан “Юлдузлар кечикади” (“Stars will be late”) қисқа метражли фильми суратга олинди. Унинг постановкачи режиссёри Дмитрий Семёнов, оператори эса Павел Скакун.
Агентликнинг қайд этишича, мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида беларуслик ижодкорлар билан бирга яратилган.
“Юлдузлар кечикади” фильмида бош қаҳрамон астроном йигит севган қизи билан Ўзбекистонга келади. Расадхонага бориб, юлдузларни ўрганади, турли саргузаштларга дуч келишади. Фильмда Ўзбекистоннинг сўлим табиати, миллий урф одатлари ва анъаналари акс этади.
