Иқтисодий тадқиқотлар ва ислоҳотлар маркази эксперти дунёнинг 50 та ривожланган давлатига Орол денгизининг қуриб қолган ҳудудида ноёб инновацион ўрмонлар ташкил этишни таклиф қилди.
️G20 давлатлари раҳбарлари 2030 йилгача бўлган даврда биргаликда бир триллион дарахт экиш мақсадини эълон қилишди, бунда асосий эътибор сайёрамизнинг энг кўп зарарга учраган экотизимларига эътибор қаратилиши маълум бўлди.
Шу муносабат билан Марказ эксперти Муҳаммаджон Бобожонов дунёнинг 50 та ривожланган давлатининг ҳар бири учун Орол денгизининг Мўйноқ тумани ҳудудига тўғри келувчи қуриб қолган ҳудудида 5 гектардан инновацион ўрмон яратишни ва ушбу ўрмонларнинг ҳар бирини мазкур ташаббусни қўллаб-қувватлаган давлатлар шарафига номлашни таклиф қилмоқда.
Исталган инсон учун Орол денгизи мазкур қуриб қолган қисмига пуллик асосда дарахт экишни ташкил қилиш ва ўша инсоннинг номини бу дарахтга илиб қўйиш таклиф этилади.
