Хабарингиз бор, Сербия пойтахти Белград мезбонлик қилаётган бокс бўйича жаҳон чемпионати ўзининг энг муҳим палласига кирди. Бугундан боксчилар финал йўлланмаси учун жанг қилишмоқда.
Ярим финал баҳсларига ҳамюртларимизнинг икки нафари етиб келди. Эътиборлиси, -60 кг вазнли боксчимиз Абдумалик Халаков ярим финалда жанг қилмасдан финал йўлланмасига эга чиқди.
Маълум бўлишича, боксчимизнинг рақиби эронлик Даниял Шахбаш жароҳати сабаб ушбу жангда иштирок эта олмаган. Энди ҳамюртимиз олтин медал учун Франсия ёки Доминикан Республикаси вакилига қарши жанг қилади.
