Россияда охирги суткада 41 мингдан ортиқ киши коронавирусга чалингани маълум қилинди. Бу ҳақда пандемия бошланганидан буён рекорд кўрсаткич ҳисобланади.
Мамлакат бўйича коронавирусга чалинганларнинг умумий сони 8 миллион 755 минг нафардан ошди.
Энг кўп ҳолатлар Москва (6880 ҳолат), Санкт-Петербург (3138 ҳолат), Москва областида (3085 ҳолат) ва Самарада (1621) аниқланди.
Маълум бўлишича, охирги сутка давомида коронавирус оқибатида 1188 киши вафот этди.
