Сербия пойтахти Белград шаҳрида ўтказилган бокс бўйича жаҳон чемпионати баҳслари поёнига етди.
Мусобақа якунларига кўра, Куба терма жамоаси умумжамоа ҳисобида 5та медаль билан 1-ўринни эгаллади. Мазкур терма жамоа 3та олтин ва 2та бронза медалини қўлга киритди. 2та олтин, 2та кумуш, 1та бронза билан Қозоғистон 2-ўриндан жой олди. Кучли учликни эса АҚШ эгаллади. Америкалик боксчилар 2та олтин ва 2та кумуш соҳибига айланди.
Ўзбекистон терма жамоаси эса 1та кумуш ва 1та бронза билан 10-ўриндан жой эгаллади.
Эслатиб ўтамиз, терма жамоамиз сафида -60кг вазнда юртимиз шаънини ҳимоя қилган Абдумалик Халаков кумуш медалини қўлга киритган бўлса, -92кг вазн тоифасида рингга кўтарилган Мадияр Саидраҳимов бронзага эга чиқди.
