Кинематография агентлиги буюртмасига биноан “Ёшлик” киностудияси томонидан “Объектив" (“Objective”) қисқа метражли фильми суратга олинди.
Кинокартинада Лайло исмли қизнинг мусиқага ошуфталиги, кўнгил қўйган йигити билан бўлган воқеалари ҳикоя қилинади, дея хабар бермоқда агентлик.
Қайд этилишича, мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳаcида яратилган.
Сценарий муаллифлари Саидаълохон Маъсудхонов, Одилбек Қосимов, Ҳуснулло Жомонқулов, постановкачи режиссёр Саидаълохон Маъсудхонов, оператор Одилбек Қосимов, рассом Тимур Муродов, овоз оператори Шаҳзод Тўхтамуродов.
Эслатиб ўтамиз,“Объектив” қисқа метражли фильми “Ипак йўли дурдонаси” Тошкент халқаро кинофестивалида “Ҳайъат аъзоларининг махсус соврини” ҳамда “Энг яхши актриса” номинациялари бўйича ғолибликни қўлга киритган.
