Кинематография агентлиги буюртмасига биноан “Ёшлик” киностудияси томонидан “Икки йўл” (“Two ways”) қисқа метражли фильми суратга олинди. Бу ҳақда Кинематография агентлиги Ахборот хизмати хабар бермоқда.
Постановкачи режиссёрлар Мурад Гусейнов, Саддам Мехдиев, оператор Зикрилло Ҳикматов.
Мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида озарбайжонлик ижодкорлар билан бирга яратилган.
“Икки йўл” қисқа метражли фильмида ота ва ўғил ўртасидаги муносабатлар, инсоний туйғулар акс эттирилган.
Маълумот учун, “Кино 5 кунда” танловида Испания, Филиппин, Япония, Ҳиндистон, Россия, Арманистон, Қозоғистон ва бошқа мамлакатлардан ёш киноижодкорлар иштирок этишди.
