Жорий йилнинг 8-12 ноябрь кунлари Турикияда бўлиб ўтаётган “Korkut ata” халқаро кинофестивалида Кинематография агентлиги буюртмасига биноан суратга олинган режиссёр Али Ҳамраевнинг “Халқ жасорати” ва Жаҳонгир Аҳмедовнинг “Илҳақ” фильмлари премьераси бўлиб ўтди.
Премьерада туркиялик киноижодкорлар билан бирга ўзбек делегацияси аъзолари ҳам иштирок этишди, дея хабар бермоқда Кинемотография агентлиги.
Қайд этилишича, ушбу фестивалда таниқли киноактёрлар Дилором Каримова, Матёқуб Матчонов, Тоҳир Саидов, Рихситилла Абдуллаев, Дилноза Кубаева ва бошқалар иштирок этишган.
Унинг дастуридан ўзбекистонлик киноижодкорлар томонидан “Ўзбек кино кунлари” ҳамда Рашид Маликов режиссёрлигидаги “Тутқунлик” фильмининг премьералари ҳам ўрин олган.
"Шунингдек, кинофестиваль доирасида Ўзбекистон ва Туркия кинематографистлари ҳамкорлигини таъминлаш юзасидан видеомулоқот, ижодий учрашувлар, бадиий ва ҳужжатли фильмлар ҳамда телесериаллар ишлаб чиқариш бўйича меморандумлар имзоланиши кутилмоқда",-дейилади агентлик хабарида.
