Туркияда ўтказилаётган “Korkut ata” халқаро кинофестивали доирасида Ўзбекистон Кинематография агентлиги Туркиянинг бир катор кинокомпаниялари билан меморандум имзолади. Бу ҳақда Кинематография агентлиги Ахборот хизмати маълум қилди.
Куни кеча Агентлик Бош директори Фирдавс Абдухолиқов CJ ENM ENTERTAINMENT DIV бош директори Ферҳад Аслан ва Менгу Атасагум, CGV MARS ENTERTAINMENT GROUP бош директорининг ўринбосари Барис Атбас, Қурилиш кенгаши раиси Керим Алтинтас билан TRT халқаро киноплатформага ташриф ҳамда ҳамкорлик буйича учрашувлар утказди.
Шунингдек, SJC AS ва Mars AS дистрибуция компаниялари, Mega Basim нашриёт уйи ҳамда Бахчешехир университети билан ҳамкорлик бўйича келишувларга эришилди. Эндиликда Кинематография агентлиги ва Туркиянинг етакчи кинокомпаниялари билан йирик ҳамкорликлар йўлга қўйилади.
Мазкур кинофестивалда таниқли киноижодкорлардан иборат ўзбек делегацияси ҳам иштирок этмоқда.
