Афғонистон ҳукуматини тўлиқ бошқарувга олган “Толибон” ҳаракати Қобул шаҳридаги “Ариана” кинотеатрини ёпди. Бу ҳақда Associated Press хабар берди.
Қайд этилишича, “Толибон” ҳаракати мамлакатда фаолият юритаётган кинотеатрларни ёпиш бўйича буйруқ чиқарган, жумладан, бир неча ўн йилдан буён фаолият кўрсатаётган “Ариана” бўйича ҳам шундай қарорга келинган. Бу кинотеатрларда Америка ва Европа кинолари намойиш этиб келинган.
Манбада айтилишича, кинотеатрларни шариат қонунларига зид деб топишган.
“Кино жуда муҳим, бусиз мамлакатда маданият бўлмайди. Биз шу кинолар туфайли – Америка, Европа ва Ҳиндистонни кўришимиз мумкин эди”, - дейди “Ариана” ходимларидан бири.
