Москва вилоятининг Солнечногорск туманидаги қурувчилар учун мўлжалланган вақтинчалик уйлардан бирида содир бўлган ёнғин оқибатида 4 тўрт нафар ўзбекистонлик ҳалок бўлганлиги хақида хабар берилган эди.
Ташқи меҳнат миграцияси агентлигининг Москва шаҳридаги ваколатхонаси ушбу ҳолат юзасидан Фавқулодда вазиятлар вазирлиги ходимлари билан алоқа ўрнатган.
Ёнғин оқибатида ушбу вақтинча турар жойда яшаб келган меҳнат мигрантлари орасида ҳақиқатдан 2 киши жароҳат олган ва 4 киши вафот этган.
Ҳозирги вақтда вафот этганларнинг шахсига аниқлик киритилган. Маълум бўлишича, уларнинг барчаси Ўзбекистон фуқаролари (Ш.А. 1969 й.т., Э.У. 1998 й.т., Ш.К. 1987 й.т., А.Р. 1998 й.т.) бўлган.
Ушбу ҳолат нозоратга олинган ва вафот этган юртдошларимиз жасадларини Ватанга қайтариш чорали кўрилмоқда.
