"Ўзгидромет" хабарига кўра, бугун, 16-ноябрь куни кундузи Ўзбекистонда кучли ёғингарчилик кутилмайди, фақат Қорақалпоғистон ва Хоразм вилоятининг баъзи жойларида ёмғир ва қор кўринишидаги ёғингарчилик бўлади.
Ҳаво ҳарорати 13-18° илиқ, шимолда 2-7° илиқ атрофида бўлади.
Пойтахтда ҳаво ўзгариб туради, ёғингарчилик кутилмайди. Шамол 5-10 м/с тезликда эсади. Ҳаво 14-16° илиқгача исийди.
Тоғ олди ва тоғли ҳудудларда ёғингарчилик кутилмайди. Баъзи жойларга туман тушиши мумкин. Ҳаво ҳарорати 8-13° илиқ атрофида бўлади.
