Бош прокуратура ҳузуридаги Департаментнинг Сирдарё туман бўлими томонидан ўтказилган терговга қадар текширувларда, “A.F.” МЧЖ раҳбари Т.Г. банк муассасасидан замонавий иссиқхона қуриш учун 5,5 млрд сўм кредит ажратилишига эришиб, гаровга қўйилган мулкни сохта маълумотлар киритиш орқали тақиқдан чиқариб сотиб юборганлиги натижасида банк манфаатларига 3,8 млрд сўм зарар етказилганлиги аниқланган.
Шу каби, “S.b.” МЧЖ раҳбари М.Р. МЧЖга қурилиш моллари сотиб олиш учун ажратилган 5 млрд сўм кредит эвазига гаровга қўйилган мулкни сохта маълумотлар киритиш орқали тақиқдан чиқариб сотиб юборганлиги натижасида банк манфаатларига 4,3 млрд сўм зарар етказганлиги аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
