Кеча Тошкентдаги “Саховат сервис” спорт мажмуасида ёшлар ўртасида Ўзбекистон ўзбек жанг санъати Федерацияси, Маданият вазирлиги ҳамда Туризм ва спорт вазирлиги ҳамкорлигида Президент кубоги учун мусобақа ўтказилди.
Минглаб спортчилар иштирок этган мазкур баҳсларда ўзбек жанг санъатининг “Матонат” йўналиши бўйича Тошкент вилоятининг имконияти чекланган спортчилари фаол қатнашиб, эсталик совғалари билан тақдирланди. Бу ҳақда Маданият вазирлиги маълум қилди.
Қайд этилишича, шунингдек, ушбу беллашувнинг очилиш маросимида Маданият вазирлиги томонидан концерт дастурлари ҳам ташкиллаштирилган.
Тадбир давомида Ўзбекистон Ўзбек жанг санъати Федерацияси раиси Пўлат Усмонов Маданият вазирлиги Касаба уюшмаси қўмитаси раиси, Маданият вазирлиги спорт тарғиботчиси Ҳаётилло Мадаминовга ”Ўзбек жанг санъати миллий спортимизнинг ривожланишига қўшган улкан ҳиссаси учун" мукофотини топширган.
