Германиянинг Мюнхен шаҳридаги қурилиш майдончасида портлаш юз берди. Бу ҳақда РИА новости маълум қилди.
Хабарга кўра, Мюнхен шаҳри ҳудудида амалга оширилаётган қурилиш жараёнида уруш йилларида ўрнатилган авиабомба топилган ва у портлаб кетган.
Мюнхен полицияси портлаш оқибатида 4 кишининг жароҳатланганини маълум қилган ҳолда фуқароларни ҳудудга яқинлашмаслик ҳақида огоҳлантирди.
Минтақага тиббий гуруҳлар юборилган. Немис оммавий ахборот воситалари ҳодиса Иккинчи Жаҳон уруши даврига оид бомбанинг портлаши натижасида содир бўлганини хабар қилди.
Бомба портлаши оқибатида жароҳатланганларнинг бир нафарининг аҳволи оғирлиги маълум қилинди.
