Ўзбекистон Олий таълим вазирлигининг маълум қилишича, учрашувда икки мамлакат таълим муассасалари ўртасидаги тўғридан-тўғри ҳамкорлик масаласи муҳокама қилинган.
"Эрон билан олий таълим соҳасидаги ҳамкорлик тўғрисида гап кетганда, албатта, форс тили ва форс адабиёти алоҳида ўрин эгаллашини таъкидлаб ўтиш лозим. Эрон мутахассислари билан ушбу фанларнинг ўқув-услубий жиҳатлари бўйича биз доимий равишда тажриба алмашиб келганмиз",-дейди вазир.
Шунингдек, икки томон ҳам техника ва муҳандислик соҳасидаги фанларни ривожлантиришга ва ушбу соҳаларда кадрлар тайёрлаш билан боғлиқ бўлган ҳамкорликни янада жадаллаштиришга эътибор қаратган.
Шу жумладан, энергетика, муқобил (альтернатив) энергия манбалари, кимё саноати технологиялари, машинасозлик, архитектура ва қурилиш, қишлоқ хўжалиги, манбашунослик, тиббиёт ҳамда фармацевтика йўналишларида ҳамкорликни йўлга қўйиш масаласи муҳокама қилинган.
