Кинематография агентлиги Миллий кинематографияни ривожлантириш маркази ташаббуси билан Республика ҳудуди бўйлаб таниқли киноижодкорлардан иборат анъанавий кинокарвон сафарлари бошланди.
Мазкур ташаббус “Миллий кинематография – Янги Ўзбекистон тимсоли” кино ойлиги муносабати билан ташкил этилмоқда.
Кинокарвон сафарлари давомида республиканинг кўплаб ҳудудларидаги кинотеатр ва маданият марказларида бепул фильмлар намойишлари, ижодий учрашувлар, давра суҳбатлари, фотосессиялар ташкил этилади.
