Энди Самақандга боришни истаганлар фақатгина ерусти транспортларида эмас, балки ҳаво транспорти билан ҳаракатланишлари ҳам мумкин. Сабаби Тошкент – Самарқанд – Тошкент авиақатновлари тикланмоқда. Бу ҳақда "Uzbekistan Airways" оммага маълум қилди.
"Uzbekistan Airways Тошкент – Самарқанд – Тошкент йўналиши бўйича мунтазам қатновлар қайта тиклангани ҳақида мамнуният билан хабар қилади",-дейилади эълонда.
Қайд этилишича, биринчи қатновлар шу йилнинг 14, 15 ва 16 декабрига режалаштирилган.
Эслатиб ўтамиз, авиақатновлар жадвали билан www.uzairways.com сайтида танишишингиз мумкин.
