Бокс бўйича Ўзбекистон чемпионлари аниқланди

Пойтахтимиздаги “Универсал” спорт мажмуасида бокс бўйича эркаклар ва аёллар ўртасидаги Ўзбекистон чемпионати ўз якунига етди. 

Регламентга кўра, бугун эркаклар ўртасида финал жанглари ўтказилди. Кутилганидек, барча беллашувлар шиддатли ва муросасиз руҳда ўтди. Қайд этиш жоиз, Токио-2020 Олимпия ўйинлари иштирокчилари Дилшод Рўзметов, Бобоусмон Батуровларнинг мағлубиятга учрагани янги юлдузлар етишиб чиқаётганидан далолат берди. Қуйида бугунги финал беллашувларининг натижалари билан танишишингиз мумкин:

-48 кг. Жалилов Асилбек – Шодиёр Мелиқўзиев

-51 кг. Мироншох Ибрагимов – Хужаназар Нортожиев

-54 кг. Шаҳзод Музаффаров – Дилшод Абдувалиев

-57 кг. Шунқор Абдурасулов – Хасанбой Латибохунов

-60 кг. Хуршидбек Расулжонов – Фарёзбек Хакимов

-63,5 кг. Турсунов Мужибулло – Руслан Абдуллаев

-67 кг. Жаҳонгир Рахмонов – Жавлонбек Йўлдошев

-71 кг. Бобоусмон Батуров – Азизбек Тожиев

-75 кг. Саиджамшид Жафаров – Абдулазиз Абдупаттаев

-81 кг. Дилшод Рўзметов – Одилжон Аслонов

-86 кг. Тимур Маржанов – Жўрабек Тоштемиров

-92 кг. Жамшиджон Абдуллаев – Жавоҳир Тоғаймуродов

+92 кг. Жаҳонгир Зокиров – Жамшид Худайберганов.

Шунингдек, мусобақа якунида анъанага мувофиқ чемпионатнинг энг яхши боксчисига Руфат Рисқиев кубоги топширилди. Бу йил эркаклар ўртасида Руслан Абдуллаев ва аёллардан Нигина Ўктамова мазкур совринни қўлга киритишди. Шунингдек, Нурхон Асадуллаева турнирнинг энг яхши ҳаками деб эътироф этилди.

Эслатиб ўтамиз, бу йилги Ўзбекистон чемпионатини барча қитъалардан ташриф буюрган АИБАнинг 3 юлдузли 8 нафар рефериси маҳаллий ҳакамлар билан биргаликда бошқариб боришди.

Маълумот учун, 18 ёшли Азизбек Тожиев Қарши олимпия захиралари коллежини тамомлаган бўлиб, ўсмирлар ўртасида Осиё чемпиони ҳам бўлган. Қашқадарё яқин тарихида (21 йил), Икром Бердиевдан сўнг ажойиб натижа қайд этди.