«ИДРОК» БИЛАН АҚЛНИ ЧАРХЛАЙМИЗ!
Адлия вазирлиги ташаббуси билан барча юридик техникум ўқувчи ёшлари ўртасида жорий йил ноябрь-декабрь ойларида «Идрок» интеллектуал ўйини ташкил этилди.
Мазкур интеллектуал ўйинни ўтказишдан мақсад – юридик техникум ёшларини интеллектуал салоҳиятини ошириш, уларга ўз иқтидор ва салоҳиятини намоён этишга имкониятлар яратиш, ўз касбини севиш, илм-фанга иштиёқ ва юрт келажагига дахлдорлик туйғуларини юксалтиришдан иборат.
Интеллектуал ўйин республикадаги барча Юридик техникумларнинг ўқувчилари ўртасида Юридик техникум ва Республика миқёсидан иборат бўлган босқичларда ўтказилади.
2021 йил 12-13-декабрь кунилар интеллектуал ўйиннинг Республика босқичи бўлиб ўтди.
Республика босқичида Қорақалпоғистон Республикаси, вилоятлар ва Тошкент шаҳар Юридик техникумларда ғолиб бўлган 14 та жамоа иштирок этишди.
Интеллектуал ўйин давомида ўқувчи- ёшлар қонунчилликка таклиф шаклида тайёрлаган тақдимотлари ҳамда умумий, ҳуқуқий ва қизиқарли саволларга тезкорлик билан жавоб бериш бўйича ўзаро беллашди.
Натижаларга кўра:
1-ўринга – Навоий вилояти ёшлари;
2-ўринга – Фарғона вилояти ёшлари;
3-ўринга – Андижон вилояти ёшлари лойиқ деб топилди.
Ғолибларгасертификат, кубок ва танлов номи ёзилган статуетка топширилади.
Шунингдек, “энг аҳил жамоа”, “энг билимдон иштирокчи” ва “энг тезкор иштирокчи” бўлган жамоа ва иштирокчилар эсталик совғалари билан тақдирланишди.
Адлия вазирлиги
Жамаотчилик билан алоқалар бўлими
