Бугун "Камп Ноу"да "Барселона" ҳужумчиси Серхио Агуэро иштирокида матбуот анжумани ўтказилди. Бу ҳақда Mundo Deportivo хабар берди.
Матбуот анжуманида Агуэро ва унинг оила аъзолари ҳамда "Барселона" президенти Жоан Лапорта иштирок этди.
Унда аргентиналик футболчи соғлиғидаги муаммо сабабли футболчилик фаолиятини якунлашга мажбурлиги ҳақида расман маълум қилиб, кўз ёшларини тия олмади.
"Футболчилик фаолиятимни якунлаганимни расман эълон қилиш учун ушбу матбуот анжуманини ташкил қилдик. Мен учун ҳозир жуда қийин давр. Аммо бундай қарорга келганимдан хурсандман. Гап соғлиқимда юзага келган муаммолар туфайли футболчилик фаолиятимни якунладим", - деди Агуэро.
