“Барселона” тез орада янги титул ҳомий топиш истагида бир нечта йирик компаниялар билан музокараларни давом эттирмоқда. Бу ҳақда Mundo Deportivo нашри хабар берди.
Қайд этилишича, йирик криптовалюта биржалари – “Binance” ва “FTX” жамоанинг янги титул ҳомийси бўлиши мумкин. Ўз навбатида каталонияликлар “Rakuten” билан ҳам музокара ўтказмоқда. Бу орқали “Барса” йилига 60 млн евро фойда олишни мақсад қилмоқда.
Маълумот учун, “Барселона”нинг “Rakuten” билан шартномаси 2022 йилнинг ёзида ўз ниҳоясига етади.
