Сўнгги кунларда бензин тақчиллиги кузатилгани сабабли ижтимоий тармоқларда танқидий фикрлар кўпайди.
Таъкидланишича, “Ўзбекнефтгаз” АЖ Бошқарув раисининг топшириғига асосан, “Ишчи гуруҳ”лари тузилиб, нефт маҳсулотларининг истеъмолчиларга етказиб берилиши тўлиқ назоратга олинди.
"Олиб борилган ишлар натижасида автобензин тақчиллигининг олди олиниб, истеъмолчилар талаб ва таклифларига биноан нархларнинг арзонлаштирилиши босқичма-босқич амалга оширилиши йўлга қўйилди",-дея "Darakchi.uz"га маълум қилади “Ўзбекнефтгаз” АЖ ахборот хизмати.
Қайд этилишича, бензин тақчиллигини олдини олиш ва унинг нархларини арзонлаштириш борасида “Ўзбекнефтгаз” АЖ Монополияга қарши курашиш қўмитаси ва “Товар хомашё биржаси” АЖ ҳамкорлигида чора-тадбирлар ишлаб чиқилган.
Натижада “Ўзбекнефтгаз” АЖга қарашли АЁҚШларда бугун, 17 декабрь кунидан бошлаб “АИ-80” маркадаги бензин 6890 сўмдан арзонлаштирилиб, ҳар бир литри учун 6500 сўм нархда сотувга чиқарилган.
"Республика ҳудудидаги “Ўзбекнефтгаз” АЖнинг барча АЁҚШларда бензин шу белгиланган нархда сотилиши таъминланади",-дейилади хабарда.
