Ироқ шимолидаги Эрбил шаҳрида кучли ёғингарчилик туфайли камида 8 киши ҳалок бўлди. Бу ҳақда Kurdistan-24 телеканали хабар берди.
Қайд этилишича, ёғингарчилик кучли селга сабаб бўлган. Натижада, йўллар балчиққа ботган, машина ва автобуслар оқиб кетган. Шаҳар катта моддий зарар кўрган. Ҳозирда жабрланган ва моддий зарар кўрганлар ўрганилмоқда.
Шунингдек, сел туфайли бедарак йўқолганлар бор. Қутқарувчилар бедарак йўқолганларни излаш ишларини давом эттирмоқда.
