Бугун, 18 декабрь куни Ўзбекистон миллий жамоаси собиқ сардори Одил Аҳмедов ўз фаолиятига бағишланган "Одил Aҳмедов: "Орзунинг шонли йўли" китоби тақдимоти бўлиб ўтди.
Маросимда Аҳмедов футболчилик фаолиятини якунлашини эълон қилди. Шундан сўнг ЎФА президенти Абдусалом Азизовга сўз берилди. Бу ҳақда Ўзбекистон футбол ассоциацияси матбуот хизмати хабар берди.
Унда ЎФА Президенти Абдусалом Азизов, Аҳмедовнинг мамлакатимиз футболига қўшган улкан ҳиссасини эътироф этди ва унга миннатдорчилик билдирди. Шунингдек, унинг босиб ўтган ёрқин йўл ўсиб келаётган ёш футболчилар учун намуна эканлигини таъкидлади.
Шундан сўнг ЎФА раҳбари фаолиятини якунлаган Одил Аҳмедовга эсдалик учун "олтин бутса" ва биллур кубокни топширди.
