"Манчестер Юнайтед" ҳужумчиси Криштиану Роналду футболкасини ҳайрия кимошди савдосига совға қилди. Бу ҳақда Sports.ru хабар берди.
Қайд этилишича, португалиялик футболчи Испаниянинг Пальма оролида 19 сентябрдан буён тинимсиз отилаётган вулқондан жабрланган инсонларга ёрдам бериш истагида.
"Ҳаттоки вулқоннинг кучи ҳам Ла Пальмани барбод қила олмайди. Мен ушбу гўзал орол тарафидаман", - деди Роналду совға қилинган Португалия либосида.
Маълумот учун, Пальма оролида 88 кун ичида 1600дан ортиқ уйлар вайрон бўлди, 74 километр йўл зарар кўрди, 7 мингдан зиёд киши эвакуация қилинди.
