Туриннинг "Ювентус" клуби охирги 3 йил давомида футболчилар учун қанча маблағ сарфлагани бўйича ҳисобот тақдим қилди.
Қайд этилишича, "Ювентус" айни вақтда "Манчестер Юнайтед"да ўйнаётган собиқ ҳужумчиси Криштиану Роналду учун 3 йилда 277 миллион евро сарфлаган. Бу ҳақда La Gazzetta dello Sport хабар берди.
Турин клуби 277 млн еврони унинг трансфер харажатлари, ҳужумчининг маоши ва Роналдуга боғлиқ бошқа харажатларга ишлатган.
Шунингдек, "Ювентус" 2016-2020 йиллар оралиғида жамоада ўйнаган аргентиналик Гонсало Игуаинга 122 млн евро сарфлаган. Ярим ҳимоячилар Дуглас Костага 87 млн евро, Федерико Бернардескига 73 млн евро, Аарон Рэмзига 44 млн евро харажат қилинган.
